الرئيسية / الزجل / زرعت حلمة ف الرماد نجاة درواش

زرعت حلمة ف الرماد نجاة درواش

زرعت حلمة فالرماد
ملي فقت
لقيت راسي فموسم الحصاد
وبلا ريح دريت شي معاني
صفيت العامر
فميزان
طلع مغشوش صروفو مفاوتة بلعاني
وبلعاني ….لميت المعاني
خبيتها فدواخلي
خفت عليها مني
خفتها تجفل من ظلي
ونا ظلي عزيز
يميل على دراع الليل
يتنهد فصدري
ويجيني فسيفة خليل
يحرق جمري
يربيني رماد
وفي ما راح ظلي نبات
ونقول الحكاية عاد بدات
بضريب المعاني فبرد الليالي
من جرح بالي
من لوحة فخيالي
تنسات
وحيت يجيني فسيفة فجر
نقطر فترابو ق ط ر ا ت
وحة قبل لا تفيق عين الشمس
وحدة نخلبها دايبة بين الوقات
وقد ما تعطلت الوقات وهي ترش
ترش ترش ترش
تخليني ننحث صورة فحلمي
مزالة طشاس
عجينة مخمراش
لازمها روح
وروحي مع ظلي ممفكاش
ما يهمش علاش وكيفاش
حيت صعيب ننحث صزة بلا عقل
كسدة بلا دم
ونا دمي غريب
مخليها لوحة مكملاااااااااااش
مخليها لوحة مكملاااااااااااااش

شاهد أيضاً

الأبعاد الجمالية في الكتابة الزجلية حميدة بلبالي

مشاركة في ندوة الأبعاد الجمالية في الكتابة الزجلية معرض الكتاب الدار البيضاء2020 الحديث عن الأبعاد …

أبا المحجوب من رواية ولد السي فلان للدكتور إدريس المرابط

أبا المحجوب لم يكن يفكر يوما في زيارة أبا المحجوب له في مكتبه؛رجل هرم يحمل …

هل أعجبك ما قرأت ؟!

%d مدونون معجبون بهذه: