الرئيسية / الزجل / الموسم :زجل ابتسام كمال

الموسم :زجل ابتسام كمال

الموسم

هزيت السدا ،هزيت الخلالة

بغيت نوقف المنجج ننسج زرابي هبالة

لوانها موردة و زينة الفصالة

تباع فالعز ماشي فالدلالة

وجدت الصواني و الكسكس يفور للخيالة

عندنا موسم،عندنا جمع فيقو الصغير

دقوا الخيام علموا نساها و حضروا رجالا

وقفوا القياطن   خلييو الكوانن شعالا

جودو على الغادي و الجاي راه الجود عندنا سلالة

ورتناه من العم للخالة

مجمعنا مجمع الخير و لخير لينا يتعالا

موسمنا قمناه باش يعرفوا الغيار بللي بلادنا بولادها فرحانة

نحمدوا ربي اللي من فضلو عطانا

الشاب ييدع،يخدم،واعي و عارف الخيبة من المزيانة

و قاد يهد الجبال فوجه من عدانا

و اللي مزهي المجمع “النسا” بلا بيهم النور ينسانا

ها الشمالية  ترحب بالعيل و تبسيمتها تفوح منها رياح لحب كيف البلعمانة

يا العايلة حني علينا شوية راكي سكرتي هوانا

بنت الصحراء هنا!

جيبوا الورد جيبوا الخزامى

الصحراوية تعمر الخيام قدامها ربح و تزيد سر البلاد متانة

و الريفية يا لالة قولي نعام

تستاهلي من عندنا غير مرحبا و زيد للقدام

واللي تاه فسماها ما يتلام

مرحبا مرحبا تاكوماتينوهاهما جاو الشلحات

الزين و التباتة منهم جات

و مننساوش نسا دكالة و الشاويات

ماليات الخير و الحداكة منهم نبعات

اوا يا بنات بلادي را بلادي بيكم زهات

يلاه نبداو الموسم و التبوريدة و زغرتوا يا زغرتات

بلادي الحبيبة تاج وولادها فوق التاج ماس

طال الزمان و لا قصار التاج مقامو فوق الراس

خلي العديان فخبتهم غارقين راه الجوهر غالي عمرو يرخاص

ابتسام كمال

شاهد أيضاً

نزهة المثلوثي

ألوف من ضحايا – نزهة المثلوثي

  أقم بالبيت لا تخرج لزاما وراع الأهل..أبلغهم سلاما * فذي الأخبار قد عَجَّت منايا …

علي بيطار

فـكِّــرْ معي – علي بيطار

هلْ زرتَ يوماً يا صديقي مقبره ورأيتَ مَنْ كانوا لـقـومكَ مفخــرة ورأيتَ أضرحةً تضمِّ ضعافهـمْ …

هل أعجبك ما قرأت ؟!

%d مدونون معجبون بهذه: