الرئيسية / الزجل / طريق الليل رضوان أفندي

طريق الليل رضوان أفندي

* طريق الليل :

أنا غادي و ريح جاية
و طريق بالموتى زفتوه.
حدرت عيني ف أرض نايحة
تمنيت دراهم طايحة ،
لقيت الزفت يشبه خوه.
* * * *
أنا غادي و امرا جاية
و الليل بينا مشبوه،
نخاف عين يمكن تطل،
نخاف من الخطوة و الظل،
نخاف الصمت يكون مكروه.
* * * *
أنا غادي و شهوة جاية
لابسة الخفيف الكاشف
و الغمزة منها تخلي
الطايح اكثر من الواقف
و الرشوة حلال ف نشوة
هي عارفة وانا عارف
* * * *
أنا غادي و هي جاية
تدوب الثلج ف ذاتي.
جاي أنا غادية هي
تتصرف ف خطواتي.
ضحكت ليا من بعيد
لهبت نار شهواتي
ضحكة تزرع قلب جديد
فاق شيطان زلاتي
ومن سعدي الليل مأمن
و من سعدي نعس المخزن
و نعسو اولادي و بناتي…
لكن زينة النظرة
مولاة العين الخضرا
مللي قربت…!!!
لقيتها امراتي ؟؟؟

شاهد أيضاً

قراءة نقدية في المجموعة القصصية (شيء عابر ) للكاتبة سمر الزعبي

بقلم: احمد محمود دحبور في احدى رسائل جبران إشارة الى أن القصة القصيرة هي : …

رواية 36 ساعة في خان شيخون

قراءة على رواية (36ساعة في خان شيخون – للروائي محمد عبد الستّار طكو)

بقلم – الروائي محمد فتحي المقداد رواية (36 ساعة في خان شيخون) وثيقة معتبرة، سلّطت …

هل أعجبك ما قرأت ؟!

%d مدونون معجبون بهذه: