الرئيسية / الزجل / قبل ما تولد الكتابة أسيا وردة (زجل )

قبل ما تولد الكتابة أسيا وردة (زجل )

قبل ما تولد الكتابة

البارح من قديم

فذاك الماضي الغابر

كا كنتلا انا ولا انتا

تولد بنادم من كرش الدنيا

بلا دنوب

بلا عيوب

بلا سمية

قمطته الارض

فرشت ليه النية

صال جال ، ركب هبالو

فراس الجبل دق وتادو

غطى عراه

خيط كساه

من ضي الشمس

لبس ثوب الغالبة

المرقع من همه

من دمه

من سوالف الغابة

على حيوط ايامه

رسم نقش

شلا حكمة ومعاني

هاني

في ذاك الكهف تخلوى

فذيك المغارة

عاش بدع

نقش سر الحياة

على سقف سماه

شاف الظلمة

دوا معاها

شاف الخوف

تقوى منه

الدنيا بعينيه هو

عاش البدو ….

يمكن تألم ؟؟؟ يمكن

يمكن عاش لهنا

شكون فينا يحكم

واش الكذوب ؟؟؟

قبل ما تولد الكتابة

واش كان لغدر؟؟

واش كان لهروب ؟

واش كان الجمر

واش كانوا لحروب ؟

الجواب تمة

كلشي تمة

فذاك الكهف

اللي حيوطه

منحوتة بالاسرار

محفورة فراس التاريخ

قصص واخبار

صورة واخبار

صورة بنادم الاول

اللي بدا الخطوة

باش نوصلوا احنا

اللي بدا الحلمة

باش نحقوها احنا

اللي بدا الكلمة

باش نكتبوها احنا

اللي جرب يبوح للصخر

ينقش عليه : بسماته

دمعاته

بصماته

اللي جرب يرسم على الصخر

لون الحياة

لون الوحدة

لون الذات

لونا احنا

اللي ما اعرفناه

واحلمنا احنا

اللي ما حققناه

شاهد أيضاً

أحمد عبد الرحمن جنيدو

القُدْسُ تَحْتَ القِيْدِ – أحمد عبدالرحمن جنيدو

قصيدة من ديواني الجديد(إنّها حقّاً) القُـدْسُ تَـحْـتَ القِـيْـدِ نَامَتْ تَـرْسِـفُ. دَمُـهَـا النَّـقِـيُّ مِنَ النَّخاسـَةِ يُـرْشَـفُ. …

قِصَّةٌ قَصِيرةٌ مجنونةُ حَيِّنَا – هند العميد

مجنونةُ حَيِّنَا كانتْ أكثرَ العاقلين حكمةً ورشدًا ، هكذا كانتْ تراها أحرفُ القصيدةِ ، وصورةُ …

هل أعجبك ما قرأت ؟!

%d مدونون معجبون بهذه: