الرئيسية / الزجل / من قصيدة “بغيت حقي فالريح” ميمون الغازي

من قصيدة “بغيت حقي فالريح” ميمون الغازي

بغيت حقي فالريح

نصرفه نسمات

على حقول السبول

وجناح الفرشات

بغيت حقي ف الڨمره

نصرفه نجمات

على خدود الليل

و اوجاع النايات

بغيت حقي فالتراب

كمشه ف كفي

ف بلدان اخرى

تكون جواز السفر

بغيت حقي فالجبال

يسكني يصرخ فيا

ونردد صداه احجر

بغيت حقي ف الشتاء

قطره وحده

نغْرقْ  فيها

و نغرّق بها بحر

بغيت حقي ف الشمس

نضوي به عويناتي

نغسل به عظيماتي

و نرميها فقبر

بغيت نحاسبكم

ناخذ حقي منكم

باش نحاسبكم

يخصني عمر ثاني

ما يقدنيش هاذ  لعمر

من قصيدة  “بغيت حقي فالريح”

شاهد أيضاً

تطبيق تحدي المعرفة حمله مجانًا

        يحوي التطبيق على 12 تصنيفا الأدب العربي اللغة العربية التاريخ صدر …

أم على قلوب أقفالها – محمد فتحي المقداد

  مع بداية انطلاق حياتي العمليّة في العام ١٩٨١، انقطعتُ عن الدراسة في الصفّ الحادي …

هل أعجبك ما قرأت ؟!

%d مدونون معجبون بهذه: