الرئيسية / الزجل / شذرات من ديوان خيط الجوهر لسارة أولاد لغزال

شذرات من ديوان خيط الجوهر لسارة أولاد لغزال

شذرات من  ديوان خيط الجوهر

لسارة أولاد لغزال 

02

 

جوهرة 10

بْحَالْ ..
يْلاَ غْمْضْ لْوْرْدْ .
وْ العُودْ لْقْمَارِي ..
لْمْ بْخُورُو .
مْلِّي ڭْبّلْتِ
وْ فَاَحْ عْطْرْ رُوحْكْ.
وْ تْنْسّمْ لْبَالْ ..

11   جوهرة

 

نْشْفْتْ لْحْنَّة .
تْشْقَّاتْ لَرْضْ.
بْلْلْتِ سْحَابَة ..
سُكّرْ.
سْقِّيتِيها .. رْوِيتْ.
لْحْنَّة زْهَاتْ.
النّقْشْ .. نْبّتْ وْرِيدَاتْ.

12   جوهرة

غْبْتِ ..
غْرْقْتْ الشْمْسْ فْ الدْوَايَة.
طْفَاتْ قْصَايْدِي.
حْسْبْتْهَا مْنْ ظْلْمْتْهَا .. فْنَاتْ.
صْدْقْتْ .. مَازَالْ تْلْقّفْ .
يَا سْعْدْهَا ..
عْرْفْتْ تْعْشْقْ مْسْكْ الِّليلْ.
ضْحَالْهَا فْ لْغِيبَة.. خْلِيلْ.

13   جوهرة

خْرْجِي مْنْ لْمْرَيْ.
عْرَّي عْ لْثَامْ حُوَّآ.
فُكِّي ضْفَايْرْ لْڭْيُودْ.
وْ خْلِّي لْعَاجْ ..
يْتّسْمْعْ بْيَاضُو.

حَاجِي خْبِّيرَاتْ لْكُسْدَة.
للِّي تْڭَادْ مِيلها ..
مْلِّي وْلْدْتِيها.
وْ حْكْمْةْ حْطْبْ آدَمْ.
للِّي هْمْدْتْ شْرَارُو ..
مْلِّي سْلْسْبيل رْضّْعْتِيها.

14   جوهرة

يَا سْعْدْكْ ..
كَنْتْفْكْرْكْ .. فْ مْوَاسْمْ لْكْتْبَة.
بْالرِّيقْ الفَايْضَ ..
كَنْبْرِّي عْلَى عْيُونْ ..
تْرْوَى مْنْهَا لْقْصِيدَة.

يَا خِيبْتْكْ ..
غِيرْ كَتْفُوتْنِي الجّْدْبَة ..
كَيْشْرْبْ الجَّرْحْ .. دْمُّو.
وْ كَنْدْفْنْ يْدِّيكْ.

طْعَامِي تْفْوّْرْ .
وْزّعْتْ حْرُفُو .. صَدَقَة.
قَيْسُوهْ لْعْشَّاقَة

15   جوهرة

جِيتْ نْكْتْبْكْ ..
كْحُولي .. تْوْضّا بالدْموعْ
و دْخْلْ ع الوَرْقَة.
صْبْحَات بْلْغَايَا..
وْ حْيْدَات الّلُومَة .. عْ الْدْوَايَة.

16   جوهرة

آآه ! .. يَا ڨْلْبِي .. !
يَا مْحْضَارْ لْمْحْنَة.
هَدا جْبْلْ ..
فْنَى صَلصَالُو .
وْ التّحْنَاشْ فْ لُوحْكْ ..
مَا رَادْ يْفْنَى .

شاهد أيضاً

تطبيق تحدي المعرفة حمله مجانًا

        يحوي التطبيق على 12 تصنيفا الأدب العربي اللغة العربية التاريخ صدر …

أم على قلوب أقفالها – محمد فتحي المقداد

  مع بداية انطلاق حياتي العمليّة في العام ١٩٨١، انقطعتُ عن الدراسة في الصفّ الحادي …

هل أعجبك ما قرأت ؟!

%d مدونون معجبون بهذه: