الرئيسية / الزجل / لجراح …عبد الرحمان فهمي

لجراح …عبد الرحمان فهمي

لجراح ( زجل )
************

عبد الرحمان فهمي

كِيفْ البارَحْ
كيفْ اليومْ
و غدَّا فَالُو مَبْهُومْ
المَعْنى فَنْواحْ البُوم
والحَكْمَة صارَتْ هْمومْ
.
.
كِيفْ حَالَكْ يا غَدَّا
وْ هادا لِيلْنَا مافِيهْ نجُومْ
واشْ فِيكْ تْزولْ الشَدَّة
و تْزَوَّلْ لَكْلُومْ
وْلاَ فيكْ تَكْبَرْ العَقْدَة
وَ تْصِيرْ زَكْرومْ
.
.
كِيفْ حَالَكْ يا غَدَّا
وْ هَذَا لِيلْنا زَادْ تْحَدَّا
تْحَدَّا
تْمَدَّا
حْتَى تْعَدَّا
لاَ حْمُورْةْ الشْفَقْ جَابَتْ لَغْسَقْ
لاَ سْوادْ عْلى بْياضْ تَّفْتَقْ
وْ هَا الحَالَة وَحَدْها تنْطَقْ
.
.
يا ذاكْ البَارَح
فِينْ كُنْتِي بِيَّا سَارَحْ
واشْ كْليت
وَاشْ شْرَبْت
غِيرْ مْرَارَتْ لَقْرايْحْ
وَ هْمُومْ سَايْلَة جْرَايَحْ
تَقْلَتْ قَلْبِي و الخَطْوَة
وْ نَارْ القَسْوَة
تَكٌْدِي لَمْطَارَحْ
.
يتبع
.
.
عبد الرحْمان فهمي ـ القنيطرة

شاهد أيضاً

تطبيع وتمييع

الشاعر شادي الظاهر – تطبيع وتمييع

  من سلَّمَ الأوطانَ للنخَّاسِِ حتى يبيعَ الدُّرَّ للأنجاسِ يا من تُمزق ثوبَ طُهرِك بالخنا …

محمد عبدالله المنصوري

الشاعر محمد المنصوري – سمفونيةُ اليمنِ الخالدة

  أنا اليمنيُّ لي قدرٌ تعاااالى ثيابُ النورِ دوما من شعاعي وهبتُ السابقين ترابَ مجدي …

هل أعجبك ما قرأت ؟!

%d مدونون معجبون بهذه: