الرئيسية / الزجل / كِيفْ نَنْساكْ فاتحة لمير

كِيفْ نَنْساكْ فاتحة لمير

0

 

 

 

كِيفْ نَنْساكْ

كِيفْ نْرُدْ شَرْجَمْ هْواكْ

وال ر وحْ حَلْفَتْ ماتَحْرَكْ

غيرْ فِ سْماكْ

ياوليفْ

ابْرَقْ …كِسْحابَةْ صِيفْ

فَتّحْ نَوّاري فِ عَزّْ لخْريفْ

بِرْعادُو وَشْتاهْ

وْراحْ كِالطّيفْ …

—————————-

وْجاتْ الصّابَة

وْجاتْ الصّابَة…

عْمُرْ

اوْقاتو مابْحالْ لَوْقاتْ

نَسّ اني كُلْ مافاتْ

اوْلَدْني مَنْ جْديدْ

اتْبَدْلَتْ لْمَنَزْلاتْ

الدْقِيقَة بِشْهَرْ

واليُومْ بِعْوامْ

وأكْثَرْ

نَجْني شَهْدْ لْحُبّْ

انْقَطَّرْ وَانْكُبّْ

نَفْرَقْ لَصْيامْ

شَمْسي ماتَغْرُبْ

نَرْوِي وَانْكُبْ

انْذوقو لِيعْةْ لَغْرامْ

اللّي عْلى حَقّو

ماشي لَوْهامْ

وَنْسَكّيوْ سُكّايَةْ لْعيدْ

عْسَلْ وَتْريدْ …

جْمَرْها بِضْلوعي

مازالْ شاهدْ

زانَدْ وْكيدْ

مْغرّكْ لَوْشامْ …

وُمَنْ خُوفي لَبِجُوفي

يَطْفَى

ما زالْ كْليبي

صارّْ عْليهْ

مْوَفِّي لَوْفَا

بِيهْ يَدّ فَّى

ويتْرَجّى ارْجُوعو لِيهْ …

——————–

فَكيفْ نَنْساهْ

كِيفْ ننساهْ

وَلْكَلْمَة

مَنّو

كانتْ حَكْمَة

وَلْحكْمة

كانتْ رَحْمَة

والرّحْمة

كانتْ نَعْمَة

كانتْ نَغْمَة

وْفِ غُرْقْ الظّلْمَة

يَطْلَعْلِي نَجْمَة

يِفيضْ حَلْمَة

عْلَ كَدْ لْمَا

يِرْفَعْني لَسْمَا

وِفَرّشْلِي رِيشْ النْعَامْ

وَنّعْمُو بِسْوايعْ هْنَا

وَلا فِ لَحْلامْ …

—————

فَكِيفْ نَنْساهْ

واااا هْيا بابا

كيفْ نَنْساهْ

والصّابَة

يابابا

كانتْ عْمُرْ

تْواليهْ

وانا يابابا مَنّي المُكاري

وْمَنّي الحطّابَة

وَلْحَدّْ بْنِيتو مَنّي لْهِيهْ

وُلَحْصِيدَة يابابا

وُلَحْصِيدَة

مازالَتْ فِ كَلْبي

قْصِيدَة

نَسْرَحْ فِيها

وَنّاديهْ …

شاهد أيضاً

تطبيق تحدي المعرفة حمله مجانًا

        يحوي التطبيق على 12 تصنيفا الأدب العربي اللغة العربية التاريخ صدر …

أم على قلوب أقفالها – محمد فتحي المقداد

  مع بداية انطلاق حياتي العمليّة في العام ١٩٨١، انقطعتُ عن الدراسة في الصفّ الحادي …

هل أعجبك ما قرأت ؟!

%d مدونون معجبون بهذه: