الرئيسية / الزجل / واااااا مرايتي كريم خيرة

واااااا مرايتي كريم خيرة

 

واااااا مرايتي

واااااا مرايتي

واااااا تويمتي

ياك من صغري وانا نبغيك

عارفة سرايري

وشحال بكيت عليك

انت حبي الاول

وانا ضعيف بين يديك

وجهي الثاني اللي خبيتو فيك

واش عقلت

على ديك البوسة

ولقليب اللي رسمتو فيك

عقلت عل لعشرة

ولعواشر نهار لعيد

وديك اللبسة الجديدة

على فرحي واحزاني

وشحال خبيتي من تنهيدة

عقلت ف عيد لحب

منين كنا مخاصمين

قاطعين اللغى

شحال هديتك من وريدة

وااااااه يا مرايتي

شحال گدامك

وليت نحشم

من داك لعمر

اللي كان لي سرير

و تعلم يغدر

على داك الزين

اللي كان علي حرير

و رجع يشفر

هالعار آآآآمرايتي

راني عييت نقلب فيك

ومات فيا الصبر

وااااااه يا مرايتي

شحال فراقك

كان محال

وانا بعيد عليك

شحال كان حبك

معشش فالبال

وانا صورتي

وكل احزاني

خبيتها فيك

 

شاهد أيضاً

تطبيق تحدي المعرفة حمله مجانًا

        يحوي التطبيق على 12 تصنيفا الأدب العربي اللغة العربية التاريخ صدر …

أم على قلوب أقفالها – محمد فتحي المقداد

  مع بداية انطلاق حياتي العمليّة في العام ١٩٨١، انقطعتُ عن الدراسة في الصفّ الحادي …

هل أعجبك ما قرأت ؟!

%d مدونون معجبون بهذه: