الرئيسية / الزجل / اطْردْنَا الرِّيحْ عبد اللطيف البطل

اطْردْنَا الرِّيحْ عبد اللطيف البطل

اطْردْنَا الرِّيحْ

للشاعر الزجال عبد اللطيف البطل

اطْردْنَا الرِّيحْ

جَ الرِّيحْ اكْسانَا

بِشْطَايَطْ لَغْبارْ

كٌلّعْ اوْتَادْ الْخَيْمَة

ؤُكٌـْيَالْ الجْمَلْ

طَـيَّحْ النَّخْلَة

وَاخْطَفْ الظَّـلْ

خَاصَمْ الِلّيفْ امْعَ لَمَالِيفْ

هَـزْ لَـقْلُمْ أوُ حَطْ السِّيفْ

واهْـرَبْ افْقيه الدوارْ

يتْعَكّـل فِي اجْلاَيَلْ لَغبَارْ

غَنّـِيتْ باللِّيلْ اقْصِيدْتِي

كَحْلَة كَحْلَة لُوحْتِي

لـُوحْتِي عَنْدْ الْهَارَبْ

والهَاربْ اِينوضْ وِيطِيحْ

وِيبرِّي عْلَى الجَنَّة

وَسْطْ الرِّيحْ

جَ الرِّيحْ اجْلانَا

خَارَجْ لسْوَارْ

شَمِّينَا لَمْكِيدَة

وَاعْطَسْنَا لَقْْصِيدَة

فُوقْ اجْنَاوَحْ لَطْيَارْ

أُو مَنْ اشْوَارِي عَطـّارْ

لَـكٌـّطْنَا لَحْروفْ

ؤُ فَكّكْنَا رَمْز لَسْرارْ

فَقّصْنَا لَقْوَافِي مَنْ بَيْضْ الغُولْ

أو بَخّرْنا بالجّاوِي الْجامْ القُولْ

اطْرَزْنا لكْلاَمْ

ؤُ سَاوِينا لَعْبارْ

احْرَقْنا اشْطَايطْ الرِّيحْ بخْيُوطْ الشّمْسْ

والْبَسْنا اقْشاشَبْ الفَرْحَة و العَرسْ

وارْجَعْ لَفْقِيهْ لَدَّوَّارْ

ؤُ غَنِّيتْ بَالنْهَارْاقْصِيدْتِي

بيْضَة بيْضَة لُوحْتِي

لُوحْتِي عَندْ الطَّالَبْ

وَالّطَّالَبْ فِي الجَّنَّة

اطْرَدْ الرِّيحْ…وَاتْهَنَّى.

شاهد أيضاً

تطبيق تحدي المعرفة حمله مجانًا

        يحوي التطبيق على 12 تصنيفا الأدب العربي اللغة العربية التاريخ صدر …

أم على قلوب أقفالها – محمد فتحي المقداد

  مع بداية انطلاق حياتي العمليّة في العام ١٩٨١، انقطعتُ عن الدراسة في الصفّ الحادي …

هل أعجبك ما قرأت ؟!

%d مدونون معجبون بهذه: