الرئيسية / الزجل / تغيدين مع الشيخ عباس بن بوستة

تغيدين مع الشيخ عباس بن بوستة

أنا اللي عمـري ضـــاع فاللهــو والفســـاد

 لازلـــت امغفـــــل غــــادي
أنا اللي من حمقي خطيـت نهــــج الــرشاد

 وتبعت اطـريـــق افســــادي

الشيخ عباس بن بوستة

rrrrrrrrrrrrrrrrrrrrrr

أنا من حرڭ ف الحر حايلة فلعواد
وڭعدت فالكز ندادي 
من قبح عنادي ركبت سفون لعناد
ف ما عنادو فوق عنادي

إدريس بلعطار

 

أنا ليّ حْرثتْ الطّريقْ بْوَارْ و كْسادْ
احْرقـْت ما دْرَسْت احْصادي
مَا شدّيتْ من لمْحاسنْ غيرْ لضْدادْ
تابعْ كيسانْ و مْيادِي .

مْنَ بْلايَا عاندتْ ما ساعَفتْ الوَادْ
وْلاعْرَفْ سَهْمِي فِينْ غادِي
صحَّة وصْغُر يْغُرّْ احْسَبْتنِي شدّادْ
فْ تيهْ طَالْ تْقولْ عادْ بَادِي .
*
وقـَّـفْت الخَيْمة ما رسّيتْ لوْتادْ
نْعُومْ ف ظْلاَمْ و النّور كًادِي
اتْبَعْت ف الدّنْيا مالْ و اوْلادْ و زادْ
و للاّخْرَة مَا درتْ زَادِي .

سيدي ربّي قبل تْعَيّطْ لَلْحَادْ
سْترْعَيْبي وْفِي مُرَادِي
غْفَرْ لِي تُوبْ عَنّي قبل يوْكحْ لمْدَادْ
مْحِي سيّاتِي اسْمعْ تغْرادِي .
محمّد حلـّوبي

تبعتي يا قلبي طريق باطل اعناد
و صوت الحق باينِ ينادي
تفكر يوم توقف امام رب لعباد
وتقول اغفلت ميعادي
محمد أبو رزق

يا خالق لكوان يا مقرب لبعاد…
جعل تقواك فالطريق زادي
بيها ياك ساويتينا اعبيد و سياد..
عندك يا الحق الهادي….

أمين زاك

يامن زرع خيرو ف لرض و لوتاد
بْهمّة مهدي من الهادي
العفة والشان عليك فاض أو زاد
بلعطار ولقياس بلادي
 صلاح الدين وراشت

انا ليّ حبّيت الخير للعـباد
حْملتْ همي وهم بلادي
عطيت العاهد وماخالفت ميعاد
وقسمت مع لغريب زادي..
محمد مطاوع

نحمل سوط و نكون لنفسي جلاد

نغسل روحي من سوادي

أنا اللي قلبي غرق في بحر لحقاد

و سهيت فطريق لحادي

تبعْتْ مُوجْةْ لكذَّابَه و موجة لحسَّاد

و رسيتْ في شْطّْ نكادي

أنا لي دخْلْت غابْةْ لْغْدرْ صيَّاد

و اليوم ذْقتْ حْرّْ زنادي

أنا لي زرعي تحرق قبْل لحْصاد

و ربيعي مْطّْرْ ب رْعادي

خْطِيَّه يْوْدِّيها ناكر خير جحَّاد

و مْطامري تْنْدبْ حْصادي
يا الله كترحم بارواح و اجساد
فرح قلبي ف عيادي
رجايا نعيش حياتي من الزهاد
و نرتاح آربي ف رقادي

ليك ياربي نبكي حياتي ف سجاد
لبست للروح حدادي
اقبل توبتي و الناس عليا شهاد
حالف نوفي ب عهادي

بعد الجمر الكادي تفتت رماد
تكوات روحي بصهادي
يا رحيم عذابك ف الدنيا ميعاد
لمن ف ضلالو غادي

انا اللي ف لقصاير حرفي غراد
اليوم لكتابك شادي
امتايب و دمعي ف سجودي هواد
كن لي يا محمد عمادي

انا ظنيت شبابي لخيامي اوتاد
شيبي قلع اوتادي
زهيت فحياتي بالموال ؤ لولاد
ما بلغت بزهو مرادي

انا اللي غفلت ما قالو لجداد
و ركبت ضلال جوادي
اتوهمت ليام ؤ لصحاب عتاد
اضحيت فعمري فرادي

عبدالعزيز الحرفاوي

ياعالم ب الحال يا مفرح لكباد
وحل فاس لهم ف وادي
جيت لبابك تايبة يامبري لعباد
يارب داويني من هاذي
ليلى عبد الجبار

يا نفسي را التقوى هي خير زاد
علم مفيد هو مرادي
هاذ الشي باش انصح الله لعباد
هو الغفور الهادي
عبد الله لبحر

جا نا زمان يجري بمحله و عتاد
اسرى سمّو ف اكبادي
وضحات تايهة ف طول طريقو لعباد
لمولى يْفكني من هاذي
مصطفى تيغلي
مَا زَكِّيتْ نَفْس خََلَقْ ربيْ كيفْ رَادْ
تابَعْ طْريقْ لجْدَادي
يحْسَنْ خَتْمي ف لْوَحْدة يومْ لْلحادْ
يَوفي خالَقْي مورَادي
عبد السلام البعليوي

أش ندير إيلا مشات طاحت لوتاد
و بكى العادي و البادي
آش بقى ايلا ذاتي ولاّتْ رماد 
من غير دعْوات ولادي
م.لمسيح ابو سارة

لو نحصي فضايلك انكمٌل لعداد
نموت مايكمل تعدادي 
لو نكتبها ما تكفي بحور لمداد 
انعايمك شي غير عادي 
محمد سقاي

لبابك نتودد ؤدمعي هواد
اتفك اخبال اعقادي
يا ليّ برحمتك ارحمتي جميع لعباد
ليك نتوسل وننادي .
 نزهة الذهبي 

الشيخ عباس بن بوستة

وهو شاعر مجيد من أهل مراكش، قوي الشاعرية سلس اللغة متمكن من ناصية القول، كثير النقد من الناحية الاجتماعية، لاذع الهجاء، لا تعرف سنة ميلاده بالتحديد، وإن عرف عنه أنه عاش أيام السلطان العلوي المولى عبد العزيز، كان يقطن بقاعت بناهيض بمراكش، وكان يشتغل “قهوجيا” قرب سوق “العطارين” بنفس المدينة، وهو إلى جانب ذلك ينتمي إلى آل بوستة الذين تقدمت فيهم رئاسة بمراكش، وضايقوا الباشا “لكلاوي” حتى قتل أحد أعمامه غدرا، وكان هذا سبب هجائه له في قصائد كثيرة.
كان شاعرا صوفيا ينتمي إلى الزاوية “التيجانية”، بداية نظمه للشعر كانت أيام السلطان المولى عبد العزيز، نظم في جل الأغراض الخاصة بشعر الملحون، وأكثر من الجفريات التي كانت تلائم اتجاهه في التصوف، كما خصص قصائد منفردة لهجاء الباشا لكلاوي، وإن كان يهجوه عرضا دائما في أغلب قصائده. جل كلامه في الحضاري، ويؤدى على الطريقة العيساوية.
توفي رحمه الله تعالى في شهر صفر سنة 1367هـ، الموافق لشهر يناير 1948م.
يقول في قصيدة له تحت عنوان “السفرية”، وهي في امرمت لمبيت لمثني، طبع “اللطفية بزيادة” للشيخ الغرابلي، وحربتها:

كلهـــمــــا لمســـافـــــــرين دارو الـــــزاد ونـــــا يـــا سيـــــدي زادي
رحمــــت ربي وشفاعـت اشفيــــع العبـاد صلـــى الله علـى الهــــادي
ورضـى الله علـى الآل لخيـــار المجــــاد وعلــى الحسنيــن اسيـــادي

يقول في قسمها الأول:

أنا اللي عمـري ضـــاع فاللهــو والفســـاد لازلـــت امغفـــــل غــــادي
أنا اللي من حمقي خطيـت نهــــج الــرشاد وتبعت اطـريـــق افســــادي
أنا كثيــــر الخلطــة الـــــزايـــدة فالعـنـــاد نضحــك ونـــا فكيــــــــادي
ضحكي ضحك اللي به كان غـــادي الـواد والنــار احـــرقت اكبــــادي

أما قصيدته الثانية تحت عنوان: “الواقف في باب الغير”، وهي من امرمت لمبيت لمثني في طبع التوسل لسيدي عبد القادر العلمي، وتقول حربتها:

أ لواقـــــف في باب الغيــــــر قـم لاريـــب * بــاب ربي يغنيــك على جميـع البـــواب

وفيها يقول:
يا الغافـــــل سبحان الله قــــــم فقـــــريــب * لطاعـــت الله اتْوَجَّـهْ ولبعيــــد يقــــراب
كـــن ياقــن ثابت بالحــــق دون تكـــــذيب * لا تكــذب فالحق ولا تكـــــون كـــــذاب
لمتى لك وأنــــت سكــــــران حالك امغيب * دون سكــــرة غايب لعدو عليك غــلاب
بك شمتت لعــــدى وأنت امْهَـــــوَّنْ العِيبْ * عـــل الواجـــب ساهي والسنة والكتــاب
غيـــر تابـــع مالك ناسي جـــلاك لغــريب * اسعفني كـان هـــداك الله تــب فقــــريب
……………………….
كـــن عاقـــل معقـــول الغي القيــل والقال * قـــل ونقل وعقـــل ســر الرجول معقول
صـــل واصل وفصل فكـــل أمــر بفصال * حلل وحـــرم شــــرع في جميـع لفصول
عل القسطاس الشرعي لا تخـرج في حال * من خرج عن ميزان الشرع عاد موحول
لا تفعـــل فعال إلا عـــل الحـق لوجيــــب * تبـع سيــــرت لفضال الطايعيــــن لنجاب
جالـــس العلما لهــــم كـــن رق وكسيـــب * عــــرف دينـــك وتهــــلا فلحيــا ولاداب

 

شاهد أيضاً

تطبيق تحدي المعرفة حمله مجانًا

        يحوي التطبيق على 12 تصنيفا الأدب العربي اللغة العربية التاريخ صدر …

أم على قلوب أقفالها – محمد فتحي المقداد

  مع بداية انطلاق حياتي العمليّة في العام ١٩٨١، انقطعتُ عن الدراسة في الصفّ الحادي …

هل أعجبك ما قرأت ؟!

%d مدونون معجبون بهذه: