الرئيسية / الزجل / لخْيَالْ محمد حلوبي

لخْيَالْ محمد حلوبي

لخْيَالْ

 

كُون جاتْ عْلِيّا

ندْفنْ ظـَلـّي

و نوقفْ آنا

 شاهدْعْلَى قَبْرُو

حتّى لْ ذاكْ النّهارْ

*****

هاذْ لخْيَالْ

ليّ دِيما مْدَخّلـْنِي
بِينُو وْ بِينْ الشـّمس

مْزيّدْنِي للـْعَافْيَة

عْلاشْ ف الظّلامْ يكْبرْ
عْلاشْ ف اللـيل يغْبرْ

عْلاشْ خَطْوَة يطْوَالْ
خَطْوَة يقـْصَارْ .

*****

هاذْ لخْيَالْ

ليّ غادي مْعَايَا

رْجَلْ برْجَلْ

واشْ عندُو شِي عْقـَلْ ؟

آنَا غَادِي للـْمُوتْ

بْر جْلِيّا
و هُوَ يْقـَلـّبْ علْ الظـّلْ

خَاصُّو يخْتَارْ .

*****

هاذْ لخْيَالْ

لـّي هْمَسْ لِيَّا

ف جدّارةْ وذْنِيّا

آنا وْلاَ هِيّا

انْتَ
نتْلاحْ عْلِيكْ
ف الـْعَافـْيَة

وْ هِيّا

 غَ كَ تتْخَايلْ لِيّا

مرَّة حلـْمَة

مرَّة كوشـْمَارْ

              مُحَمّد حَلـّوبِي

شاهد أيضاً

تطبيق تحدي المعرفة حمله مجانًا

        يحوي التطبيق على 12 تصنيفا الأدب العربي اللغة العربية التاريخ صدر …

أم على قلوب أقفالها – محمد فتحي المقداد

  مع بداية انطلاق حياتي العمليّة في العام ١٩٨١، انقطعتُ عن الدراسة في الصفّ الحادي …

هل أعجبك ما قرأت ؟!

%d مدونون معجبون بهذه: